القائمة الرئيسية

الصفحات

آخر الأخبار

الجواز البحري الباسبور الاسود شروطه ومميزاته


كثيرا مانسمع عن الباسبور الاسود وان بعض من الاشخاص يمتلكونه  ويدور في مخيلتنا أن هؤلاء الأشخاص لهم طبيعة خاصة وقد يمنحهم الباسبور الاسود امتيازات استثنائية ويستطيع حامله الدخول والخروج من البلاد المختلفة بدون تأشيرات لهذه البلاد ولكن في الحقيقة الامر ابسط مما نعتقد.
الباسبور  الازرق
الجواز البحري الجديد

ماهو الباسبور الأسود

الباسبور الاسود ماهو الا جواز بحري يتطلبه العمل على متن السفن وليس له استخدام سوي في الموانئ البحرية وعلى متن السفن التجارية، الجواز عبارة عن مجموعة من الصفحات الصفحة الأولى بها بيانات صاحب الجواز من اسمه ورقم الجواز وتاريخ إصداره وتاريخ انتهائه ومهنته البحرية وتاريخ ميلاده وعنوانه، الصفحات الآخري من الجواز عبارة عن سجل وتقرير عن حامل الجواز يتم تسجيل أسماء السفن التي عمل بها وحمولتها ومهنته وتاريخ التعيين والرفد ومستواه في العمل وسلوكه وطبيعة عمل السفن سواء كانت ساحلية ام اعالي بحار، في نهاية الجواز مجموعة من الصفحات تكون للتأشيرات البحرية التي يحصل عليها واختام الموانئ.
احد صفحات الجواز البحري
صفحة تقرير الخدمات البحرية



الجواز البحري الجديد

سابقا تميزغلاف الجواز البحري باللون الاسود لذلك سمي بالباسبور الأسود لكن من منتصف عام 2019 تم بدء العمل بالجواز البحري المميكن، يتميز غلاف الباسبور المميكن باللون الأزرق وبذلك يكون انتهى عهد الباسبور الاسود لندخل في عصر الباسبور الأزرق، الحصول على الجواز البحري  ليس حكرا على خريجي الكليات والمعاهد البحرية ولكن جميع خريجي المؤهلات العليا يتستطيعو الحصول عليه ولكن مع اختلاف المسمي الوظيفي، جميع المؤهلات العليا يستطيعون استخراج الجواز البحرى بمهنة ضابط إداري عدا كليات الطب البشري يستخرجونه بمهنة طبيب وكليات السياحة والفنادق بمهنة طباخ  وخريجي كلية الهندسة بمهنة مهندس.

العمل كضابط إداري على متن السفن


فرص العمل كضابط إداري على متن السفن  التجارية ليست متاحة سوي علي متن سفن الركاب، عدد سفن الركاب المتاحة للعمل كضابط إداري في مصر لا يتجاوز  20 سفينة على اقصى تقدير ولا يوجد في دول الخليج او الدول العربية سفن ركاب تحتاج إلى مهنة ضابط إداري وإذا وجد فسوف يكون نادرا  ونفس الأمر بالنسبة للأطباء.

كيفية استخراج الجواز البحرى لخريجي الدبلومات الفنية


بالنسبة لخريجي الدبلومات الفنية  زراعي و تجاري لا يستطيعون الحصول على الجواز البحري إلا بعد حصولهم علي دورة  متخصصة وتعقد في معهد الموانئ والمنائر بباب  27 بميناء الإسكندرية أو فروعه علي مستوي الجمهورية، أما بالنسبة للدبلوم الصناعي  بأقسامه الميكانيكية وأقسام الخراطة واللحام  يستطيعون الحصول على جواز بحري بمهنهم سواء كانت لحام او ميكانيكي ، بالنسبة لأقسام الزخرفة وما شابه من تلك الأقسام يجب عليهم خوض الدورة المخصصة، خريجي الدورات الأساسية يستطيعون العمل على متن السفن كبحري او ميكانيكي علي حسب الدورة التي أتمها، بالنسبة لخريجي دبلوم التمريض يستطيع استخراج الجواز البحرى مهنة ممرض.

استخراج الجواز البحري


يتم استخراج الجواز البحرى من مبنى التفتيش البحري الموجود بميناء الإسكندرية باب رقم واحد بعد تقديم المستندات اللازمة:
  • فيش وتشبيه موجه باسم التفتيش البحري.
  • شهادة المؤهل الدراسي. 
  • شهادة التجنيد.
  • شهادة الميلاد.
  • 7 صور شخصية.
  • صورة من البطاقة الشخصية.
  • إقرار بعدم العمل بالحكومة وملف كرتون.

بعد الإنتهاء من تقديم المستندات المطلوبة ودفع الرسوم،  تقوم بإجراء الكشف الطبي في المستشفى البحري برأس التين وتقوم بمتابعة نتيجة الكشف الطبي عبر الرابط التالي ، بعد اجتياز الكشف الطبي تقوم بمتابعة ميعاد استلام الجواز البحري عبر الرابط التالي.

الدورات الحتمية

بعد استلام الجواز البحري يجب إجراء الدورات الحتمية، وهي من مسماها شهادات الزامية يجب على العاملين بالبحر

الحصول عليها  فلن تستطيع العمل على متن السفن بدونها  وهي عبارة عن دورات دراسية في السلامة ومكافحة الحريق والإسعافات و التوعية الامنية والمسؤوليات الاجتماعية  ويمكن اجراءها في معهد تدريب الموانئ بباب 27 أومعهد القوات المسلحة بالطابية أو الأكاديمية البحرية.


ويمكن القول بأن  الإجراءات بداية من رسوم الجواز البحري والكشف الطبي والدورات الحتمية قد تصل الي 5000 جنيه

ومدة الدورات الحتمية لن تزيد عن اسبوعين في جميع الأحوال.

ملحوظة: علي الراغبين في الإستفسارات والتعليقات التواصل
معنا من خلال رسائل إتصل بنا، التعليقات علي المقالة بلغت
الحد الأقصى.
 




هل اعجبك الموضوع :
author-img
ربان اعالي بحار

تعليقات

201 تعليق
إرسال تعليق
  1. دبلوم ذخرافه وهواء شغال علي منشآت بحريه حفارات بترول في البحار والان والا علي سفينه حفار بترول في الاسكندريه طبعان ومعاه شهادته وكد بس عايزا يطلع الجواز البحري ينقع وله ايه

    ردحذف
    الردود
    1. ينفع يفندم يطلع الجواز البحري بس لازم ياخد دورة الاول سواء دورة بحري او ميكانيكي علي حسب هو حابب ايه وفي دورات مكثفة بتعقد علي فترات بتكون مدتها شهر

      حذف
  2. طيب بالنسبة لخريجي كلية الحقوق هيكون متاح ليهم استخراج الباسبور وهتكون مهنهم ايه

    ردحذف
    الردود
    1. بالنسبة لخريج كلية الحقوق متاح ليهم استخراج الباسبور البحري وحتكون مهنته ضابط اداري

      حذف
  3. دلوقت انا معايا بكالوريوس سياحة وفنادق قسم ادارة هل يجوز استخراج الجواز

    ردحذف
  4. انا معايا ثانوية عامه ينفع استخرج باسبور بحري

    ردحذف
    الردود
    1. اه ينفع بس لازم تحضر دورة بحري الاول وفي شهر مارس في دورة مكثفه لمده شهر في اسماعلية ممكن تسجل فيها وتفاصيلها منشوره في اول خبر علي الموقع

      حذف
  5. ممكن رقم سمسار للسفر علي السفن التجارية

    ردحذف
    الردود
    1. ده رابط لجروب البحارة المصريين عليه ارقام السماسرة
      https://www.facebook.com/groups/elbharhelmasrieen/permalink/2385386091528876/

      حذف
  6. انا دبلوم صنايع تشغيل معادن خراطه في اي دورات هاخدها قبل ماقدم علي الجواز البحري سواء دراسه او الدورات الحتميه ولا بعد الجواز مايطلع

    ردحذف
    الردود
    1. بعد ماتطلع الجواز اعمل الشهادات الحتمية وكفاية علي كدة..

      حذف
  7. خريج هندسه اتصالات ما الوظائف على متن السفن التجاريه

    ردحذف
    الردود
    1. مهندس كهرباء بعد استيفاء الشروط اللازمة والافضل لك البحث عن مجال اخر يتناسب مع طبيعة مؤهلك

      حذف
  8. دلوقت حضرتك انا حاصل علي دبلوم من مدرسه رأس البر الثانويه البحريه. قسم الملاحه والفنون البحريه
    وعاوز استخرج الجواز البحري الوظيفه فيه هتكون اي. والحتميات دي هتساعد الواحد في إيجاد وظيفه اسرع علي متن السفن

    ردحذف
    الردود
    1. الوظيفة حاتكون بحري مبتدأ ، الحتميات دي شهادات اجباريه لاي حد حابب يشتغل علي السفن

      حذف
  9. وممكن يتوفر فرص عمل

    ردحذف
    الردود
    1. فرص العمل محتاجه معارف في الشركات الملاحية

      حذف
  10. حضرتك انا معايا دبلوم فني صناعي قسم كهرباء ينفع اقدم.
    وهل التفتيش البحري شغال دلوقتي لاني من السويس

    ردحذف
    الردود
    1. اه ينفع تقدم وشغال دلوقتي بس لازم تسجل الاول ماتروحش مباشرة في مقالة علي الموقع اسمها كيفية التسجيل في خدمات هيئة السلامة البحرية المصريه اقراها واتبع خطواتها

      حذف
  11. انا علاء محمد صالح محمد مهدي
    شيف سخن ومشاوي
    هل استطيع العمل علي اي سفينه

    ردحذف
    الردود
    1. من جهة العمل فانت تستطيع العمل بس الأول لازم تستخرج جواز بحري بمهنة طباخ او مساعد طباخ علشان تعرف تلاقي فرصة عمل في المطبخ بتاع السفينة في البداية وده بيعتمد علي مؤهلك الدراسي

      حذف
  12. اقرار عدم العمل ف الجهات الحكوميه والعامه ... ده اقرار انا بكتبه عادي ولا بيتجاب من جهات حكوميه

    ردحذف
    الردود
    1. ده اقرار بتكتبه بايدك عادي مش محتاج اي ورق من اي جهة وخد معاك دمغة وانت رايح حتحتاجها

      حذف
  13. معلش انا متأسف علي الاسئله الكتير بس نوع الدمغه الي هاجبها ايه

    ردحذف
    الردود
    1. عادي ولايهمك اشتري من اي بوسطة ب 5 جنيه دمغة

      حذف
  14. بعد اذنك بكالوريوس تربيه رياضيه المهنه في الباسبور ضابط إداري...ول مساعد ضابط اداري

    ردحذف
    الردود
    1. ماعنديش فكرة الحقيقة بس علي الاغلب ضابط اداري مش مساعد بس حاتفرق معاك في ايه.

      حذف
  15. أصل ناس بتقول كلام كتير عكس بعض فقلت أسأل حضرتك لان الكلام كتير عشان اعرف بس

    ردحذف
    الردود
    1. لو معاك واسطة حاتشتغل علي سفن الركاب اي كان المسمي في الجواز البحري وعلشان مافيش خبرة معاك في المجال بتشتغل اداري في الأول ولو مفيش واسطة وحاتدور حايكون صعب انك تلاقي شغل وساعتها ممكن تشتغل علي سفن البضائع بحري او ميكانيكي اذا لقيت فرصة، دي خلاصة الموضوع ده.

      حذف
  16. لاستخراج جواز السفر لابد من اصل الاوراق ولا الاصل للاطلاع فقط

    ردحذف
    الردود
    1. لابد من الأصول وفي ورق زي شهادة الجيش والحتميات والمؤهل الدراسي بيكون الأصل للأطلاع فقط

      حذف
  17. لو سمحت انا معايا دبلوم سياحة وفنادق الأورمان قسم مطبخ ينفع اقدم عليه ولا لا

    ردحذف
    الردود
    1. اه حاينفع انشاء الله بس لازم تسجل الاول قبل ماتروح تستخرج الجواز اقرا المقاله دي https://www.safinty.com/2020/06/Emas.html

      حذف
  18. ينفع اطلع الباسبور من السويس

    ردحذف
  19. ما الأوراق والشهادات المطلوبه للعمل على مركب شركه ارامكو

    ردحذف
    الردود
    1. شركة أرامكو تتطلب خبرة عدة سنوات في المجال البحري وسفن الخدمات البترولية بالاضافة الي لغة انجليزية قوية

      حذف
  20. بعد استخراج جواز السفر ينفع تغير المهنه في البطاقه الشخصيه بنغس مهنه الباسبور البحري

    ردحذف
  21. اه حاينفع انا وظيفتي في البطاقة نفس الباسبور

    ردحذف
  22. لو سمحت ياكابتن انا دبلوم صناعي قسم تبريد وتكييف اي الاجرات المطلوبه بعد اذنك

    ردحذف
    الردود
    1. اول اجراء انت تحجز ميعاد تروح فيه التفتيش البحري عن طريق الخطوات المذكورة في المقالة التالية
      https://www.safinty.com/2020/06/Emas.html

      بعد ماتحدد يوم تروح فيه التفتيش البحري تاخد ورقك المطلوب زي ماهو مشروح في الموضوع ده وتستخرج الجواز البحري وبعد ماتستلم الجواز البحري تعمل الحتميات البحرية

      حذف
  23. لو سمحت انا معايا دبلوم صنايع قسم كهرباء و عندي ٢٩ سنه و ايه المسمى الوظفي

    ردحذف
  24. ابني خريج معهد ايجوث فوق المتوسط (شيف) ولديه خبرة كبيرة.
    ينفع يستخرج الباسبور البحري.
    وما هي الاجراءات اللازمة لذلك.
    شكرا جزيلا

    ردحذف
  25. اه ينفع الخطوات المطلوبة انه لازم يحجز معاد علشان يقدم علي استخراج الجواز البحري ومشروح في المقاله دي كيفية التسجيل https://www.safinty.com/2020/06/Emas.html

    ردحذف
  26. حضرتك انا معايا دبلوم صناعي قسم تبريد وتكييف هاخد دورة بحري مبتدأ وله حتميات بس وابقي ضابط بحري مبتدأ وله ميكانيكي أو كهربائي

    ردحذف
    الردود
    1. مؤهلك مايسمحلمش انك تكون ضابط بحري، انت حاتستخرج جوازك البحري عادي بشهادة الدبلوم مش محتاج دورة بحري مبتدأ

      حذف
  27. حضرتك انا كهربائي بس دبلوم صناعي قسم بناء وعايز بسبور كهرباء اعمل ايه بطاقه كهرباء وفي شهادات خبرة ومستوى مهاره وكعب عمل كهربائي

    ردحذف
  28. انت حاتحجز معاد تروح فيه التفتيش البحري زي مامكتوب في المقاله دي https://www.safinty.com/2020/06/Emas.html
    وبعد كده حاتخد ورقك ومؤهلك وتروح التفتيش البحري باسكندرية وتبدأ في خطوات استخرج الجواز البحري بالمهنة المطلوبة

    ردحذف
  29. انا بدون مؤهل يمكن استخراج الباسبور من اجل اعمل

    ردحذف
  30. وان كان ينفع ما هى الأوراق المطلوبه

    ردحذف
    الردود
    1. لا مش حاينفع لازم مؤهل حتي لو شهادة الاعدادية

      حذف
  31. لو سمحت انا درست ف معهد عالي للعلوم الاداريه تمام ودرست معهد لاسلكي وروحت اسكندريه بس مش متذكر اسم المكان اي بصراحه اللي كنت فيه تمام المهم قالي هيطلع الجواز ب مهنة بحار بي تمام وبعد كدا كلمت واحد معرفه عقيد بحريه تمام وقلي دي المرتب بتاعها هيكون ألف دولار بس هتحتاج عليهم 500 دولار علشان تعرف تعييش ف قلي بلاش احسن تمام دلوقتي مهنة بحار دي مطلوبه في دول خارجيه عن مصر وبتكون الفرص بتاعتها كتير بره ولا لا ولو ينفع حضرتك تبعتلي رقم فون لحضرتك علي الخاص وده رقم الواتساب بتاعي 01151600678 ياريت بعد اذن حضرتك يكون في تواصل للاستفاده

    ردحذف
    الردود
    1. انت حتعرف تستخرج جواز يحري بمؤهلك عادي، مصروفك الشخصي علي المركب تقدر تتحكم فيه و100 دولار حتكفيك ، المشكلة ان فرص الشغل قليلة صعب انك تلاقي شغل في الوقت الحالي

      حذف
    2. طيب لو سمحت فرصه العمل ب المهنه دي متوفره ف البلاد الأخري مثل دول الخليج ودول أوروبا يعني مطلوبه ولا لا برضو

      حذف
  32. انا بكالريوس سياحه وفنادق قسم فنادق وانا اصلا طباخ ينفع اطلع البسبور وهل يوجد شغل للطباخين على السفن التجاريه

    ردحذف
    الردود
    1. اه حينفع تطلع باسبور بالنسبة للشغل في شغل والارزاق بتعة ربنا في الاول واﻵخر مافيش حاجة اكيدة.

      حذف
  33. لو سمحت انا سجلت ف موقع الهيئه من بدري واسمي منزلش وهما بقالهم اسبوع منزلوش اسماء انا من السويس ممكن اروح علي هناك علي طولا ولا استني وهل عند حضرتك علم ب سبب عدم نزول الاسماء

    ردحذف
    الردود
    1. ممكن يكون بسبب اجازة العيد في تاخير انا معنديش فكرة، الافضل تستني شوية بدل ماتروح المشوار علي الفاضي

      حذف
  34. اولا أنا دبلوم كهرباء
    ثانيا أنا عملت كل الاوراق الا الإقرار بعدم العمل بالحكومه أو القطاع العام عشان أنا متامن علي رخصه مهنيه اعمل اي

    ردحذف
    الردود
    1. اقرار عدم العمل بالحكومة دي ورقة عادية جدا بتكتبها بايدك بالصيغة الي موجودة في التفتيش البحري مش اكتر من كده ، وخد معاك ب 3 جنيه دمغة وانت رايح حتحتاجها.

      حذف
  35. السلام عليكم حضرتك انا خريج دبلوم صنابع قسم الكترونيات بس شغال في مجال التفتيش الهندسي للكشف علي عيوب اللحامات وفحص المعدات خبره ١٠ سنين في مجال البترول و الكهرباء من الممكن ان استخرج باسبور بحري وهل قسم التفتيش الهندسي مطلوب علي المراكب

    ردحذف
    الردود
    1. انت تقدر تستخرج جواز بحري، لكن مافيش مهنة علي متن السفن خاصة بالتفيش علي اللحام،

      حذف
  36. لو سمحت انا ثانويه عامله وبعدها معهد حاسب الي سنتين هل ينفع اني اطلع الباسبور الاسود

    ردحذف
  37. لو سمحت انا مهندس كهرباء حاصل ع بكالوريس كهرباء وشغال ف مجال تصنيع اليخوت ف مصر بقالى 5 سنين وكنت عاوز اطلع باسبور البحرى وعاوز اقدم ع دوره مهندس تالت للحصول ع فرص شغل ف البحر
    فكنت عاوز اعرف اى هى الخطوات ال اعملها ؟؟ ثانيا التكلفه المبدائيه قد اى ؟ والدوره مهندس التالت اقدمها فين ؟
    وهل الموضوع هيبقى مفيد ولا لا وخاصه انا معظم خبرتى بالنسبه للسوق بقت ف مجال اليخوت بقى الخروج منها صعب للاسف
    شكرا ليك

    ردحذف
    الردود
    1. طب ماتعمل دورة مهندس كهرباء ETO افضل، في الحالتين لازم تستوفي الشروط علشان تقدم علي الدورة الي انت عايزها انت كده مش مستوفي الشروط، في مقالتين منفصلتين في الموقع عن شروط دورة مهندس تالت وشروط مهندس كهرباء، المصاريف حتكون في حدود 25 الف جنيه.

      حذف
  38. او اى ال محتاجه عشان اعرف اخد مهندس تالت انا عرفت ان ف كورس وبعدين خدمه وبعدين كورس وخدمه تانى صح ولا غلط

    ردحذف
    الردود
    1. انت بتروح تعمل جواز بحري بمؤهلك عادي وبعد كده بتعمل الشهادات الحتمية المذكورة في المقالة ، وبتسافر في البحر ست شهور وبتجيب شهادة خبرة ست شهور من الورش الي كنت شغال فيعا وبعد كده بتدخل دورة مهندس تالت 6 شهور وتكلفتها من 15 ل 20 الف، بس اتاكد من هيئة السلامة انهم حيقبلوك في امتحان مهندس تالت ولا مش ليك غير امتحان مهندس كهربا، مهندس كهرباء دي مهنة مستقلة بذاتها علي السفن غير مهندس تالت

      حذف
  39. لو خريج بكالويوس تجارة من جامعة فى انجلترا اونلاين ينفع يقدم وهل فى اشتراط لسن معين وليه خبره لجزء معين فى ميكانيكا اليخوت ممكن كده ياخد دورات فى ايه

    ردحذف
    الردود
    1. انت بتقدم بمؤهلك المعترف بيه في مصر

      حذف
  40. انا معايا باسبور البحري مساعد ميكانيكي ومنتهي من سنتين وكونت عايز اجديد الباسبور وكونت مسرفيس الباسبور من سمسار عليا اخدام ٣ أشهر ممكن اجديد الباسبور عادي ولا اي

    ردحذف
    الردود
    1. روح اسال في التفتيش وخد بالك لو السرفس مزور حيعرفو وحتدخل في مشكلة

      حذف
  41. تمام شكرا اووى
    طاب معلش مكان هيئه السلامه فين ؟
    طاب لو فرضنا انه ينفع ان شاء الله
    الكورس ده بيبقى تبع اى ؟الهيئه نفسها
    ولا الاكادميه البحريه ؟

    ردحذف
    الردود
    1. هيئة السلامة في ميناء اسكندرية باب واحد، الكورس بتعمله في الاكادمية البحرية

      حذف
  42. تمام لو سمحتو دلوقتي اعرف اطلع الجواز البحري حاليا

    ردحذف
  43. طب حضرتك انا خريج دبلوم قسم (محركات بحرية) يجوز اني اطلع الجواز ولا لا

    ردحذف
    الردود
    1. اه تقدر تستخرج الجواز البحري بمؤهلك

      حذف
  44. ممكن اخراج احتياط والبطاقه مكتوب بها بدون موهل بس حاصل علي شهاده ازهريه

    ردحذف
  45. الردود
    1. شهادة ازهرية دي جامعة ولا ثانوي ولا ايه، و لو مش شهادة جامعية حتحتاج تعمل دورة بحري مبتدأ

      حذف
  46. من فضلك يا كابتن انا مهندس ميكانيكا شغال فى شركه فى دبى وبطلع شغل على LNG tankers سوالى لحضرتك لاستخراج جواز بحرى من مصر هل لازم اخد الدورة الحتمية قبل استخراج الجواز ولا بعده . ولو تفضلت توضحلى ما هو ملف الكرتون والاقرار بعدم العمل بالحكومه ازاى . مع خالص الشكر

    ردحذف
    الردود
    1. انت بتستخرج الجواز البحري الاول وبعدين تعمل الحتميات، ملف الكرتون ده ملف ورق بيتباع في المكتبا ت بجنيه ولا اتنين جنيه، الاقرار ده عبارة عن ورقه فلسكاب بتكتبها بخط ايدك انك لاتعمل بالحكومة والصيغة متعلقة في مبني التفتيش بتكتبها وانت بتقدم في دقيقتين وخد معاك ب 5جنيه دمغة من البوسطة حتحتاجها وانت بتقدم

      حذف
  47. سوال تانى من فضلك لو عندى فيروس سى من فتره هل مشكله فى اصدار الشهاده الطبية و استخراج الجواز

    ردحذف
    الردود
    1. طلاما انت الحمدلله سليم دلوقتي وحتجتاز الكشف الطبي بتاع البسبور، مش حيكون في اي مشاكل بسبب تاريخك المرضي باذن الله

      حذف
  48. في شركة منزلة شغل ظابط اداري قالي مطلوب الاوراق ومبلغ ١٠٠٠٠وهيطلعلي جواز بحري وهياخد نسبة من الراتب اول شهر بس انا عندي ٣٩سنة ومعايا مؤهل عالي هل الكلام دة صحيح ولانصب

    ردحذف
    الردود
    1. بنسبة كبيرة الكلام ده نصب لو الشخص ده مش من معارفك الشخصية ممكن تفاصيل الاعلان ده قريته فين

      حذف
  49. في شركة منزلة شغل ظابط اداري قالي صاحبها الاوراق ومبلغ ١٠٠٠٠جنية وهيطلعلي جواز بحري وهياخد نسبة من الراتب اول شهر بس علي العلم اني عندي ٣٩سنة ومؤهل عالي اريد اعرف هل الكلام دة صحيح ولانصب ارجو الرد

    ردحذف
  50. قريتها في موقع شغلني شكرا هي الشركة في كفر الشيخ وصاحبها احمد النجار عرفتها

    ردحذف
    الردود
    1. لا معرفهاش وبلاش الموضوع ده، تقدر تسال عن الشخص ده في جريدة دليل البحارة العرب علي الفيس بوك والناس حتفيدك اكتر لو حد عارفه

      حذف
    2. كلمني افيدك ٠١٢١٢١٣٢٥٨٤

      حذف
  51. لوسمحت هل بتفرق استخراج الشهادات الحتميه من باب ٢٧في القباني عن معهد القوات البحيرية في الطالبه عن الاكادميه البحريه بابوقير وهل في شهادات بتتعمل من الاكادميه بس مع العلم اني اول مره استخرج الجواز البحري. ارجو التوضيح وشكرا

    ردحذف
  52. انا طالب كلية اداب هل ينفع اطلعه ؟ والمهنه كدا هتكون ايه ؟

    ردحذف
    الردود
    1. اه ينفع تطلعه المهنة حتكون مساعد ضابط اداري

      حذف
  53. انا خريجة منشات بحرية ممكن اطلع الباسبور بكام؟

    ردحذف
    الردود
    1. تقدري تطلعيه بس مش حتلاقي شغل فوفري فلوسك وتعبك.

      حذف
  54. ممكن اعرف مصاريف الدوره المخصصه لدبلوم الزخرفه

    ردحذف
    الردود
    1. سعرها بيختلف علي حسب انت حتعملها في اي مكان

      حذف
  55. ممكن اعرف هوفعلا لازم السفر اول 6شهور ع مركب مصري قبل السفر علي مركب اجنبي

    ردحذف
  56. انا خريج اعلام و كلي شغف اني اشتغل في المجال البحري بس مش عارف ايه الفرصالنتاحه ليا و ابدء منين او ازايممكن مساعده ؟

    ردحذف
    الردود
    1. انت تقدر تستخرج جواز بحري بمهنة مساعدة ضابط اداري وتبحث عن أي فرصة عمل علي السفن مهما كان طبيعتها بخلاف وظيفة ضابط او مهندس بحري، لكن المشكلة مافيش شغل وفرص العمل محدودة جدا بخلاف مشاق العمل

      حذف
  57. بعد اذن حضرتك الكشوفات واقفه من يوم ٧/٢٢ علي موقع الهيئه وانا مخلص الورق ومستني. بقالي شهرين وانا من السويس خايف اسافر ويرجعوني. عاوز اتواصل حتي معاهم اعرف هروح امتي أو لو عند حضرتك علم ب سبب توقف الصفحه

    ردحذف
    الردود
    1. كشوفات ايه بالظبط... انت لازم تسجل اﻷول علي موقع الهيئة علشان تقدر تاخد معاد بحيث تحصل علي خدمات الهيئة

      حذف
  58. ايوه انا اقصد كشوفات الهيئه انا مسجل من بدري في موقع الهيئه. والكشوفات مش بتنزل من العيد تاريخ 22/7

    ردحذف
  59. لو سمحت انا لم اوفق فى 3 ثانوي يعنى مؤهلى فقط اعدادية ومهنتى لحام سفن و خلصت الجيش هل استخراج الباسبور هيكون صعب بسبب المؤهل؟ وايه الاجراءات اللى اعملها علشان اشتغل بمهنتى؟

    ردحذف
    الردود
    1. لا مش صعب ولا حاجه انت حتحتاج تاخد دورة بتاهلك انك تستخرج الجواز البحري بتكلفك في حدود 6 الاف جنيه

      حذف
    2. اسم الدورة ايه لو سمحت و كم مدتها تقريبا

      حذف
    3. دورة بحري مبتدأ او مساعد ميكانيكي علي حسب المسمي الي حتلاقيه وشوف انت حابب تخصص ايه... الدورة بتكون متاحه في باب 27 في ميناء اسكندريه ومتاحه في بعض المحافظات في دورات مكثفة بتكون مدتها شهر

      حذف
  60. لو سمحت انا خريج بكالوريوس خدمه اجتماعيه المهنه هتكون ايه وبالنسبة للدوره بتتاخد قبل التقديم ع الجواز ولا بعد وشكرا

    ردحذف
    الردود
    1. المهنة حتكون مساعد ضابط اداري وحتعمل الشهادات الحتمية بعد متستخرج الجواز البحري

      حذف
  61. حضرتك انا مخلص السنه دي دبلوم صناعيه قسم لحام وتشكيل معادن وجيلي المعهد الفني منشات البحريه بور سعيد هل لو دخلت وخلصت اقدر اطلع باسبوار واشتغل بلمهنه ديي و لا

    ردحذف
    الردود
    1. انت تقدر تستخرج الجواز البحري وتشتغل في البحر بالدبلوم مش محتاج المعهد في حاجة

      حذف
  62. هل من الممكن استخراج جوازسفر بحري من دوله اخري مثل ايطاليا اواسبانيا او فرنسا وادفع من مصر واكلف احدمن اقاربي استلامه وارساله لي

    ردحذف
    الردود
    1. لا مش ممكن في دول زي بنما وليبرياا تقدر تحصل علي الجواز بتاعها من ممثليهم، لكن دول أوربا مفيش الكلام ده او ماسمعتش بحاجه زي كده

      حذف
  63. من فضلك انا دبلوم صنايع قسم لحام 2012 ولم اعمل بالحام الا اثناء الدبلوم اي منذ ثمن سنوات هذا اخر عهدي بالحام واود ان اعمل لحام علي سفينة، ما المطلوب بالضبط ولك منا جزيل الشكر

    ردحذف
    الردود
    1. المطلوب انك تستخرج الجواز البحري وبعد ماتستلمه تعمل الحتميات البحرية وتدور علي شغل بعد كده

      حذف
  64. أزال المؤلف هذا التعليق.

    ردحذف
  65. انا دبلوم صنايع قسم كهربا ينفع اقدم وهل ف شغل ليها

    ردحذف
    الردود
    1. انت تقدر تستخرج الجواز البحري بمؤهلك لكن فرص الشغل قليلة

      حذف
    2. طيب معلش حضرتگ ف شخص كلمني وقالي انه ظابط بحري وان عايز مني 6200 جنية ويطلعلي الباسبور بس وقالي ان لو مطلعتش عن طريقه هوا مش هعرف اطلع تاني

      حذف
  66. انا دبلوم سياحة وفنادق الاورمان ممكن اعرف اية الاجراءات

    ردحذف
    الردود
    1. اول خطوة انك تسجل انك تاخد موعد لاستخراج جواز بحري الرابط في التعليقات وبعد كده تروح في اليوم المحدد وتقدم علي استخرج الجواز البحري...

      حذف
  67. حضرتك انا خريج ترسانه بحريه وحباب اعمل الجواز بس مش هسافر دلوقتي هل لزم اخد الدورات دلوقتي ولا ينفع لم اجي اسافر اعملها

    ردحذف
  68. بعد اذنك ي Caption
    انا دلوقتي في اخر سنه من الدبلوم الصناعي قسم تبريد وتكيف مزدوج
    ينفع اطلع الجواز بعد مخلص

    ردحذف
  69. الردود
    1. الجواز بالحتميات من خمس لست الاف جنيه

      حذف
  70. السلام عليكم
    انا خريج الأكاديمية البحريه للعلوم والتكنولوجيا والنقل البحري كلية النقل الدولي واللوجستيات
    ممكن اعرف تكلفة استخراج باسبور جديد
    وممكن اشتغل ايه وازاي لو سمحت يعني فرص العمل المتاحة ايه

    ردحذف
    الردود
    1. الخطوة دي مش حتفيدك في حاجة التكلفة في حدود 6 آلاف جنيه لكن مش حاتقدر تشتغل بيه.

      حذف
  71. هوا انا فيه معهد عايز اقدم فيه ترشحلي اني اقدم على خدمات الاسلكي ولا السياحه والفنادق والاحسن فيهم للعمل على السفن

    ردحذف
    الردود
    1. معهد اللاسلكي مبقاش ليه شغل علي السفن سياحة وفنادق بيشتغل طباخ علي السفن وفرص العمل قليله بردو

      حذف
  72. انا خريج الترسنه بحريه قسم كهرباء ينفع اطلع الجواز البحري قبل الجيش واظفره وشكرا

    ردحذف
  73. اقرار عدم العمل في الحكومه بيطلع منين و ايه الوقت المستغرق في استخراج الجواز وهل في أماكن تانيه غير محافظة الإسكندرية بالنسبة للتفتيش البحري

    ردحذف
    الردود
    1. دي أي ورقة عادية بتكتبها بايدك وبتملاها بالصيغة الموجودة في مبني التفتيش وخلاص علي كده

      حذف
  74. لو سمحت أنا دلوقتي معايا مؤهل عالية ومكتوبلي ف البطاقه وف جواز سفري شيف لانش ينفع اطلع الباسبور البحري واستلمه ف اسرع وقت ممكن لأن أنا أعمل في الإمارات ومحتاجه ضروري ممكن الوقت الي ياخده ع مايطلع كان يوم أنا مش محتاج دورات أنا محتاج الجواز بس ومصاريفه كامله هتكون كام بعد اذن حضرتك

    ردحذف
    الردود
    1. استخراج الجواز حيكلفك في حدود ١٥٠٠ جنيه وبياخد في حدود شهر لما يطلع

      حذف
  75. لو سمحت محتاج احجز دورات وكنت محتاج رقم تليفون اتواصل معاه لان محتاج أعمل الدوارات دي ف أقرب وقت ممكن لأن مسافر خلال عشر ايام

    ردحذف
    الردود
    1. دور علي أرقام معهد تدريب الموانئ بباب ٢٧ وفروعه علي جوجل متاحه

      حذف
  76. حاصل على دبلوم تجارة من إسكندرية ٢٢ سنه ابتدي منين عشان أقدر استخرج الجواز البحري.

    ردحذف
    الردود
    1. اول خطوة تعمل دورة بحار مبتدئ بباب ٢٧ في ميناء اسكندرية

      حذف
  77. أنا بدرس ف كلية نظم ومعلومات وعاوز أطلع الجواز علشان أشتغل ع مركب طباخ ينفع ؟

    ردحذف
    الردود
    1. ينفع بس الجواز حيكون بمهنة مساعد ضابط إداري

      حذف
  78. لو سمحت عايزه اعرف الوحده تباء ظابط بحري ممكن منه ولا لا

    ردحذف
    الردود
    1. اه في بنات ضباط بحريات لكن فرص العمل ليهم قليلة جدا جدا،
      اقري المقالة دي لمزيد من المعلومات
      https://www.safinty.com/2019/09/blog-post_54.html?m=1

      حذف
  79. أزال أحد مشرفي المدونة هذا التعليق.

    ردحذف
  80. طيب لوسمحت ممكن احجز دورة مكثفة احجز ازاي

    ردحذف
    الردود
    1. في معهد التدريب البحري باب 27 فرع اسماعلية ديما بيعلن عن دورات مكثفة تابع معاهم

      حذف
  81. لو سمحت ياكابتن أنا بسبوري المهنة فيه مساعد فني تبريد وتكييف وانا اصلا شيف وشغال ف البحر بقالي اربع سنين أنا محتاج اغير المهنة لشيف أو مساعد شيف ايه الاوراق المطلوبة عشان اغير المهنة
    مع العلم اني معايا شهادتين خبرة الواحدة بسنتين ومعايا شهادات تقدير باني شيف وكدة

    ردحذف
  82. كنت عايز اعرف تكلفت الجواز اسود كم

    ردحذف
    الردود
    1. في حدود 1000 جنيه من غير الشهادات الحتمية

      حذف
  83. انا ف معهد ضباط لاسلكي الفرقه الاولي وكنت محتاج اطلع البسبور البحري في امكانيه اني اطلعو وانا بدرس

    ردحذف
  84. حضرتك انا كنت خريج صنايع قسم نجارت اثاث وحليا انا مقدم في معهد مساحه وخرائط خاص وباقي شهر واستلم شهاده المعهد فا ممكن استخرج جواز سفر اسمر ولا لا

    ردحذف
  85. حضرتك نهايه كليه خدمه اجتماعيه ايه هيكون ايه وظفتي ع المركب وهل لازم دوارت عشان اشتغل

    ردحذف
    الردود
    1. حاتشتغل مساعد ضابط إداري حتحتاج تاخد الشهادات الحتمية بس فرص العمل قليلة

      حذف
  86. السلام عليكم
    انا مهندس ديكور سينمائي بنيت مركب صغير بنفسي يعمل بالكهرباء طوله ١٠ متر و عرضه ١.٢٠ سم و ارغب بالسفر به حول العالم ،، عملت اختبار عليه عن طريق غمر المياه داخله و لم يغرق و مجهز برادار ولاسيلكي هل احتاج الباسبور الأسود كقائد لهذا القارب للسفر ام لا ؟؟؟

    ردحذف
    الردود
    1. عليكم السلام بالنسبة المركب الصغير إلي عملته انت حتختاج تسجله في ميناء تسجيل وبيخصع للعديد من التفتيشات للتأكد من صلاحياته للملاحه قبل، ده غير طبعا يجب توافر أفراد مؤهلين لقيادته ومعهم رخص بحريه بكده، الأفضل تسال في جروب دليل البحارة العرب علي الفيس بوك حتلاقي ناس كتير تفيدك بالظبط تعمل ايه.

      حذف
  87. حضرتك انا خريج سياحة و فنادق قسم الدراسات السياحية و كنت عايز اطلع جواز سفر بحري .. ينفع ولا لا .. وبتكون التكلفة الإجمالية ليه كام ؟

    ردحذف
    الردود
    1. باذن الله حينفع تكلفة استخراج الجواز البحري فقط من غير الشهادات الحتمية في حدود الف جنيه.

      حذف
  88. لو سمحت انا معايا ماجستير في القانون وليسانس الحقوق
    عايز اعمل باسبور بحري لانه مطلوب مني عشان اقدر اشتغل في وظيفة ويتر علي سفينة خدمات بتروليه
    ممكن اعرف كم التكلفه
    وهل الدورات سواء قبل الباسبور او بعده (الحتميات) اجباري ؟؟؟!
    لاني مش عايز اخد دورات نهائي لا قبل ولا بعد ... انا عايز الباسبور وبس

    ردحذف
    الردود
    1. الباسبور استخراجه بيكلف في حدود 1000 جنيه والحتميات مش اجباري لإستخراجه.

      حذف
  89. اشكرك جزيل الشكر علي ردك واهتمامك ....
    فرصة الشغل المطلوبه بيقولولي انت معاك ليسانس حقوق فلازم الهيئه البحريه هتخليك تعمل دورة بحري مبتدأ (اجباري) قبل الباسبور ودي (((تكلفتها خمسة الاف جنيه))) !!! ومدتها ثلاثة شهور وبعد كده تعمل الباسبور اللي تكلفته ألف جنيه .. وبعد ما تستلم شغل بشهر مثلا هخليك تروح تاخد الحتميات وان تكلفتها الف وثمانمائة جنيه ... ما مدي صحة هذا الكلام

    ردحذف
    الردود
    1. انت تقدر تستخرج الجواز البحري بمؤهلك بدون الدورة وحيكون المسمي الوظيفي مساعد ضابط إداري في الجواز البحري.

      حذف
  90. خريج معهد حاسبات سنتين
    ممكن اعرف المهنة ايه فى الجواز
    وينفع اغير البطاقه بالمهنة

    ردحذف
    الردود
    1. راجع التفتيش في المهنة لكن حاتغير البطاقة بالمهنة الجديدة.

      حذف
  91. تكلفة الحتميات كلها كام لو سمحت
    وهل الالف ج بتاعة الباسبور شامله الكشف الطبي ؟؟!!!

    ردحذف
    الردود
    1. اه شاملة الكشف الطبي تكلفة الحتميات بتختلف من مكان لمكان علي ماظن حتكون في حدود 2500 أو 3000 جنيه

      حذف
  92. السلام عليكم انا اسمي خالد ذكي دبلو م صناعي خمس سنوات انا من اسكندريه من العجمي وعايز اعرف اطلع الباسبور الأسود وفين أقدم واياه الشروط الواجب يتوافرها هذا الشخص من حيث كل شي وشكرا

    ردحذف
    الردود
    1. انت بتستخرج الباسبور البحري من التفتيش البحري الموجود في باب واحد في ميناء الإسكندرية وبتاخد الورق المذكور في المقال وانت رايح تقدم علي طلب استخراج الجواز البحري.

      حذف
  93. لو سمحت انا نظرى ضعيف هل دا مشكلة ف استخراج الشهادة الطبية والجواز البحرى انا مقدم ع وظيفة ويتر

    ردحذف
  94. السلام عليكم
    انا معايا دبلوم تجاره وعايز اعمل بسبور بحرى ايه الاجرات

    ردحذف
    الردود
    1. تعمل دورة اساسيات بحار في معهد تدريب الموانئ بباب 27 أو فروعه في المحافظات.

      حذف
  95. لو سمحت انا حاصل على بكالوريوس فالتكييف والتبريد واريد العمل بالمجال البحري و معرفش اي شركات تنصحنى بايه إبداء إجراءات واطلع الباسبور البحرى وبعدين ادور علي شريكات ولا اعمل ايه

    ردحذف
    الردود
    1. أنا ممكن اعرف ايه الاماكن إلى ممكن اقدم فيها للشغل أو الشغل متاح ولا لا

      حذف
  96. بعد اذنك كونت عايز اغير المهنه في الجواز البحري من مساعد كهربائي لبحري ازي

    ردحذف
  97. لو سمحت حضرتك أنا حاصل على بكالوريوس نظم معلومات اداريه و معايا شهادات كورسات لحام من معهد دون بوسكو فهل يمكنني استخراج الجواز البحري بمهنة لحام ولا لازم دبلوم لحام

    ردحذف
  98. لو سمحت انا نهايه شهاده الاعداديه وشغال طباخ ينفع اطلع الجواز البحرى

    ردحذف
  99. لو سمحت انا المهنه بتاعتى في الجواز خراط لو انا طلعت واشتغلت على السفينه بمهنه مساعد ميكانيكى سنه وحبيت اغير المهنه لمساعد ميكانيكى مع العلم أن انا معايا شهاده ميكانيكا من معهد تدريب المواني فهل لو غيرت المهنه لمساعد ميكانيكى بعد كدا هتتحسب الخدمه بتاعتى ف الجواز الجديد ولا لا والافضل اغير المهنه من دلوقت ولا عادي ارجو الرد من حضرتك

    ردحذف
    الردود
    1. أنا شايف مهنة خراط أفضل من مساعد ميكانيكي انت عايز تغيرها ليه

      حذف
  100. لو سمحت بعد اذنك انا معايا بكالريوس نظم معلومات اداريه ومعايا الثانويه العامه بس الوظيفه في البطاقه ميكانيكي معدات وكنت محتاج اطلع باسبور بحري بالوظيفة دي ايه الحل

    ردحذف
    الردود
    1. انت تقدر تطلع الجواز البحري بالمؤهل بتاعك لكن المهنة مش حاتكون ميكانيكي بس تقدر تشتغل بيها ميكانيكي لكن لو الشركة شاركه أن المهنة في الجواز تكون ميكانيكي لازم تاخد دورة ميكانيكي في بابا 27 أو فروعه وده افضل ليك

      حذف
  101. لو سمحت انا عملت الباسبور مساعد ميكانيكي واستلمته لازم اعمل الشهادات على طول الحتميه ولا ادور على شغل الأول ولما الاقي الشغل اعمل الشهادات وشكرا

    ردحذف
    الردود
    1. لازم تعمل الشهادات الحتمية اول.

      حذف
  102. السلام عليكم ورحمة الله؛ انا معايا ليسانس آداب وبعض الدورات في الغوص من بادي اقدر اطلع باسبور بوظيفة غواص او اية الوظايف اللي بيطلع بيها الباسبور الأزرق؟

    ردحذف
  103. الحقيقة أنا معنديش تفاصيل عن مهنة غواص في الجواز البحري لكن مؤهلك يساعدك انك تستخرج الجواز بمهنة مساعد ضابط إداري فالافضل تروح تسال في التفتيش البحري.

    ردحذف
  104. السلام عليكم أنا دبلوم سياحه وفنادق وشيف سخن بس انا نوري طعيف ينفع

    ردحذف
  105. أنا طبيب بيطري أعمل في مجال سلامة الأغذية
    هل متاح شغل في السفن للرقابة على المطبخ والمأكولات

    ردحذف
    الردود
    1. الوظيفة إلي حضرتك بتتكلم عليها غير موجوده علي متن السفن

      حذف
  106. بالنسبه الوظيفه لحام بجواز السفر البحري والشهادات الحتميه كامله تمام الدورات المناسبه للحام يفضل اكسجين وكهرباء وارجون

    ردحذف
  107. بعد استخراج الباسبور امتي اروح اجدده وما الاوراق الملوبه للتجديد وهل يلزم الحتميات وانا بجدد

    ردحذف
  108. الجواز بيتجدد كل خمس سنين اه لازم تجدد الحتميات

    ردحذف
  109. انا شغال طباخ والمهنه في البطاقه طباخ وكنت عايز طلع باسبور بحرى اعمل ايه وايه الورق المطلوب لو ينفع وانا خريج معهد خاص سنتين وكنت ثانويه عامه

    ردحذف

إرسال تعليق